Wi Oostfresen worden faken as „dat is een Volk för sück“ betekent un dat wi butt, stuur un arig sünd. Wenn daarmit meent is, dat ik mit mien Hart denk, mien Freeiheid bruuk, natuurverbunnen bün un mien egen Kopp hebb, dann unnerschriev ik dat geern. Wenn arig heet, sück mit Hart un Seel mit disse stückje Eer verbunnen to föhlen  un de Bruken wieder to geven, dann bün ik een arige Minsk. Villicht liggt dat aver ok an uns Histoorje, de van de Freeiheid un Egenständigheid vertellt un uns bit vandaag mit prent hett.