un "Indioners"

 Mien Blick över de grote Dobb

Fieren Native Americans ok Halloween?

In Amerika  schient Halloween van groot Bedüden to wesen un ich fraag mi, of Native Americans ok disse Bruuk folgen.
Ik sülvst kann mit Fieren as Halloween un Karneval nich vööl anfangen, villicht wieldat bi uns in Oostfreesland kien groot Belang harr. Von Huus to Huus to gahn, um Slickereen to bekomen, kenn ik avers ok. As Kind freide ik mi de hele Jahr up „Martini“. Wi kloppden dann an de Dören van de Huusen, uns lüttjet Lateern in Hand un sungen uns Lateernsleder. To Lohn füllden sück uns Tasken na un na mit de Leckereen.
Sück to verkleden kenn ik so blot van „Rosenmaandag“ un ik harr daar nooit vööl för över, um dat en bietje frünnelk unttodrücken.  Daar ik in Kinnergaarn arbeidde kwamm ik um disse Spektakel avers nich umto. To Karneval haal ik denn mien lang swart Rock ut Schapp. Ik treck mien Snöörstevels an, Smuck un sett mien groot swart Hood up un klaar is de Töverhex. Dat sull mi doch en bietje nadenkelk stimmen, dat disse Saken immer in Kleerschapp hangen ;-).

Nu avers torügg to de Native Americans.
Ik hebb in Internet wat van twee Youtubers funnen, de en lüstig Video to de Thema Halloween tosamenstellt hebben. Enigen van de pläserelk Kommentaren beropen sück wall up „Insider-Weten“, avers ik mag geern disse Aard van Humor.

Een Fründin van mi was so nettjes un hett mi en Link van de Delaware Nation tostüürt.   https://www.delawarenation-nsn.gov/trick-or-treat-event-bringing-native-american-students-together-for-halloween-fun-treats/  

Mien fraag, of Native Americans ok Halloween fieren, hett sück daarmit beantwoordt.