Der Blick über den großen Teich
Indigeen Teekultuuren
Neet blot wi Ostfreesen drinken Tee, ok de Native Americans weten um de sien Bedüden und Warken So begeev ik mi in dat Internet un duuk in, in een neje Wetensreis.
Uns „Wulkje“ hebb ik daar wall nich funnen, avers Tee to maken höört bi vööl indigene Nationen to en Kulturgood. Of as Genütt, of mit helende Egenshuppen, hebben verscheden Teesoorten hör besünner Stee funnen.
Dat sünd `blot` updröögt Bladen, villicht ok frisk plückt, of Blössems sünnerlik Planten, de sien Besünnerheiden sück nu in Förm van Tee mit uns verbinnen.
Eenst was dat een Saatkörrel, de upwaakt wurr, de Paltrock van de Eer dörbrook um denn in de warme Lücht van Sünn to wassen. Dat Natt un de Mörgendau löskeden hör Döst un de Wind spöölde sachtjes mit hör Bladen. Wieldes he se upachtend in sien stadig Bewegens hen un her woog, drunk een lüttje Krabbeldeer de freske, söte Drank ut de Blössem.
Nu gifft se noch enmaal all hör Starkde, hör Röök un inlagert Levensenergie of. De Minsk hett hör Weerten to achten lehrt un unnerdes de hete Water sück mit hör verbinnt, ensteiht ut de Plant un Minsk een kulturell Mitnanner.
Uns „Wulkje“ hebb ik daar wall nich funnen, avers Tee to maken höört bi vööl indigene Nationen to en Kulturgood. Of as Genütt, of mit helende Egenshuppen, hebben verscheden Teesoorten hör besünner Stee funnen.
Dat sünd `blot` updröögt Bladen, villicht ok frisk plückt, of Blössems sünnerlik Planten, de sien Besünnerheiden sück nu in Förm van Tee mit uns verbinnen.
Eenst was dat een Saatkörrel, de upwaakt wurr, de Paltrock van de Eer dörbrook um denn in de warme Lücht van Sünn to wassen. Dat Natt un de Mörgendau löskeden hör Döst un de Wind spöölde sachtjes mit hör Bladen. Wieldes he se upachtend in sien stadig Bewegens hen un her woog, drunk een lüttje Krabbeldeer de freske, söte Drank ut de Blössem.
Nu gifft se noch enmaal all hör Starkde, hör Röök un inlagert Levensenergie of. De Minsk hett hör Weerten to achten lehrt un unnerdes de hete Water sück mit hör verbinnt, ensteiht ut de Plant un Minsk een kulturell Mitnanner.
