 |
Bigaven: 500g Mehl, 40g freske Gest, 1/4l Melk, 60g Smolt of Botter, 50g Zucker, 250g Krinthen. Well mag, de kann ok nog 50g Sukkade un 50g Orangeat mit daarbidoon.
Torechtmaken:
De Gest word mit 3 EL lauwarm Melk un ½ TL Zucker verröhrt. De Hälft Mehl word in en depe Kumm geven. Inmidden maakt man een Kuhl, gifft de Gest rin, streit en beten Mehl daaröver un stellt dat todeckt 15 Minüten an een warm Stee. In de Tüskentied word de Melk mit de Botter in en Pott warm maakt. De lauwarm Melkmengsel word nu unnerröhrt un de Rest Mehl unnerkneed. De hele Wark mutt nu solang kneed worden, bit de Deeg sück van de Schöttel lööst. Noch maal 30 Minüten, todeckt an een warm Stee, upgahn laten. So de Mengsel dübbelt so hoog is, komen de Rosinen herin un alls word mitnanner verkneedt.
Mit mien Hannen hebb ik en Brot förmt un up de Backblech plazeert. In de Rezept stunn, dat de Stuut bi middelste Hett, 50 Minüten backen muss.
Smakelk Eten!
Ik versöök ok immer an uns Umwelt to denken un bruuk kien Backpapier mehr, sünnern en Silikonmatte. Well mag kann sück daarto en Video ankieken.
