"Sööts of surs"
Mien Grootkind wull weten, waarum wi ergentlik Halloween fieren. Gemeensaam hebben wi in Internet na en Antwoord söcht.
Ik bün immer daarvan utgahn, dat Halloween ut Amerika, to uns över de grote Dopp, komen is. Daarbi geiht man daarvan ut, dat dat ut Irland kummt un up de keltische Samhainfier torügg geiht.
Ik was heel weg daarvan un hebb en egen Sied daarto tosammen stellt.
Samhain, de keltische Winterfier
Na de keltische Bruuk was dat Jahr in tree Hälften indeelt. De dunker Jahrstied begunn mit Samhain (sow-en utproot) un was an 1. Mai vörbi. To disse Fier wurren de Doden, as Ehrengasten inladen un unnerlagg faste Ritualen. Na de ollen Traditoon, moken de Minsken de Füürsteden in hör Husen ut un kwammen in de rituelle Middent van hör Stamm tosamen. Hier ehrden se ok hör Gotten mit Geschenken un Gaven. Hör Wünsken un Gebeden lepen mit in, as de Druide de neje Füür togangmook. An Enn van de festelk Bruuk stook elk sein Brannmateriaal daaran un broch so de neje Füür in sien Huus.
De Aske van de Freidbranden wurr as Schuur up de Felden streit.
De irische Utwanners brochen so wall disse Bruuk na Amerika.
Ik hebb noch en externe Link un Video up Hoogdüütsk funnen.
