Ik harr mi mit mien lüttje Förskensschipp in de World wide Web begeven, um mehr över de Kulturen van de Native Americans wies to worden. Mi is denn upfallen, dat vööl van mien Fragen ut mien Olldag komen. Ik harr as Bispill en Krinthstuut backen un froog mi, of Native Americans ok een traditionelle Brood hebben as wi. Ik lööv dat ik een Minske an besten kennenlehr, so ik mit hum dat deel, wat sien Olldag utmaakt un hum geleid. Disse dageliks Gedanken, Handgrepen, Geföhlen un dat Weten, dat disse Minsk up sien Levensreis in sück vereent, is för mi , as een baldadig Bibliothek un je oller mien Tegenöver is, so beindruckender is disse Wunnerwark an Wiesheid. Elke Gedanke, de ik to Enn bring, steiht in Verbunnheid mit dat was was, de tegenwordige Tied un mit elke Gedanke, de ik daanhebb, is he bi torügg kieken, ok al Part van de Tokummst.
Ik harr mien Breevfründ, de hier as Editor in Chief sien Gedanken mit uns deelt, daarvan vertellt, dat völe Minsken hier in Düütsland nich weten, wat as Bispill een Powwow is un dat dat faken de lüttje Fragen sünd, mit de ik ok mi ofgeev. Ik kreeg daarup een Breev waar drinstunn:" Ik schriev di wat to de Thema Powwows." Würrelk kwamm güstern een Breev ut USA mit nakomen Titel
Ik muss laggen un funn de Överschrift so good um een neje Deel bi "van Wattlüü un Indioners" in to richten. Also hebb ik disse Idee "Klöönsnack mit de Chief" glieks in de Daad umsett.
Weersehn
Heike
