Een Stutenkeerl to Sünnerklaas
In Oostfreesland hett dat Backen van de Stutenkerls to de Sünnerklaas-Dag en lange, lebennig Traditioon. Mit sien Sienbohntjemund un de witte Piep brengt he siet Generatioonen en heel besünner Mackeligheid in de winterlik Stuuv. Man en Bruuk blifft eerst denn up ewig lebennig, wenn wi hör mit Hart un Leven füllen – un hör an de tokomend Generatioon wiedergeven. Dat was ok mien Hartensanliggen, as ik mit mien Grootkind in Köken stunn, um tosamen disse traditionele Gestkerl to backen. As wi de Deeg kneedden, truck nich blot de Röök van friske Stuut dör dat Huus, man ok de Vertellsel van mien eegen Kinnertied kwamen torügg. In disse Moment hebb we en Brügg tüsken de Generatioonen baut. Dat Lüchten in hör Ogen hett mi wesen, dat de Töver van domaals in’t Hier un Nu wiederleevt. Disse Rezept is vööl mehr as blot en Backanwiesens. Dat is en Inladen, um intoholen, gemeensaam Erinnerungen to schaffen un en Stück anwennt oostfreske Bruken in de eegen Köken to halen.
Man bruukt:
750g Mehl
50g Gest
¼ l Melk
1 Spierke Solt
80g Botter
2 Eier
1 Teelepel Zucker
Een Handvull Rosienen
De Gest mit en bietjelauwarm Melk un Zucker mengeln. Dat Mehl in een Schöttel geven, en Kuhl daarin maken un de Gestmengsel indoon. Mit Mehl bedecken un 30 Minüten an en warm Stee rüsten laten. De överbleven Melk, Botter un Solt warm maken un dann daartogeven. Alls sachtjes dörnannermaken.
Nu komen noch de Eier daarto un dann word dat to en gladd Deeg verarbeidt. Solang kneden bit sück de Mengsel van de Schöttelbaam lööst. Nu mutt dat nochmaal 30 Minüten rüsten. Naast so`n 1-1,5 cm dick utrullen un de Sünnerklaas anhand van en Schablone utsnieden. Well mag kann sück de Stutenkeerl ok sülvst förmen.Mit de Rosienen de Ogen, Mund un Knopen in de Deeg drücken.
Bi 200 Graad rund 15 Minüten backen.
